אַ לידער - זאַמלונג פון אַ דיכטער בן דיכטער - הגם דער נאָמען, מיט װעלכן ער שרײַבט אונטער זײַנע לידער, איז - א פּסעװדאָנים, אָדער ריכטיקער: אַן אויס - געבאָרגטער, װאָס איז ענלעך צו זײַן נאָמען. װײַל - חוץ אַ דיכטער איז ער אויך אַ ייִדיש - װיסנשאַפטלער, פּראָפֿעסאָר פון ייִדיש - קענטעניש אויפן אינדיאַנאַ - אוניװערסיטעט אין בלומינגדייל, פ " שט. די טעמעס און דער כאַראַקטער פון די לידער דריקן אויס מחשבות, שטימונגען און סיטואַציעס. די זאַמלונג איז װי אַן עקספּערימענטן - װאַרשטאַט פאַר דעם מחבר דעם ליטעראַטור - פֿאָרשער. װעגן דער דיכטערישער נעסט, פון װעלכער דער מחבר פון דער לידער - זאַמלונג איז אַרויסגעװאַקסן, קענען מיר לערנען פון דעם טיטל און די שורות פונעם ליד: " װי ענלעך און װי אַנדערש ", געשריבן אין יאָר 1991 צו זײַן פאָטערס 81- סטן געבוירנטאָג:

װי אַנדערש און װי ענלעך, און... װי אַנדערש ? -

אַן עפּל און אַ מעכטיק שיינער בױם,

אַן עפּעלע װאָס װערט אלײן - אַ צװײַגן - צאַפּל,

אַ בוים װאָס ס ' שפּיגלען זיך די װאָרצלען אין זײַן קרוין.

באָריס קאַרלאָװ - דבֿ - בער קערלער - שפּילט זיך קונציק - הײמיש מיטן מעטאַפֿאָר, מיטן ריטעם און מיט אַלע קאָמפּאָזיציאָנעלע כּלים פון דער פּאָעטישער קונסט. זײַן דעפֿיניציע פֿון ליד געפֿינען מיר אין דעם ליד א. נ. " אַ ליד איז ניט סתם אַזוי:

אַ ליד איז ניט סתם אַזוי / נאָר טאַקע פֿון טיפֿן האַרצן - / אַ שטראָם, אַ קװעלכל, אַ פֿליסעניש /

אין ברייטקייטן און אין טיפֿעניש / פֿון אייביקער פֿאַרגעסעניש //

אַ ליד איז ניט סתם אַזוי / נאָר טאַקע בפֿירוש אָט - אַזוי - אָ:

אאַז " װ.

103 זײַטן, װײכער אײַנבינד. פֿאַרלאַג " אייגנס ". ירושלים 2006.